Die 3 Tugenden - Ihr Eventzauberer für Köln Bonn Düsseldorf Aachen und ganz NRW

Direkt zum Seiteninhalt

Hauptmenü:

Die 3 Tugenden

Leistungsspektrum > Hochzeitsspiele

Mutter und Tochter sitzen sich am Tisch gegenüber und trinken Kaffee.
Mutter:
Nun Töchterchen, I muss dir scho saga, dass es höchschte Zeit wirdfür di endlich a mal zu heirota.


Tochter:
Ja woisch, des isch net so oifach. I wüßt fei grad net when I nemmasott.


Mutter:
Ha do rennat doch gnuag Manna ummanand, des wird doch so schwer net sei.


Tochter:
Des sagsch do so, I wett fei net jeden!


Mutter:
Ha bis jetzt hat no jede oin gfunda. Nimm dr doch oifach an Schöna.


Tochter:
Noi, noi, Mamme, koin Schöna. Di tauget net grad viel. Da müßt I hinten au no zwei Auga haba um auf en aufzubassa.


Mutter:
No nimm dr halt en Häßlicha um den beneidet dich koiner !


Tochter:
Noi, an Häßlicha will I au nett. Da laß ichs lieber bleiben.


Mutter:
Wia wärs no mit em Jonga ??


Tochter:
Des scho glei garnett. Dem müßt I ja erscht älles beibringa ond des will I au net!


Mutter:
Du bisch aber au mit garnix zufriede. No nimm dr doch an Übriga odr an Witwer !


Tochter:
Noi, des scho gar net. Wo s´doch ho´ßt: Dia gelbe Rüaba zu Weihnachten, die Äpfl zu Oschdern ond dia Männer übr dreißig verliaret den Geschmack!


Mutter:
Du bisch vielleicht schneickig. Dann sag halt selber mal wie DeinZukünftiger aussehen sollte ! Dick oder dünn ? Schee, rond und fescht ? Wia an Triathleth ? Untersetzt oder mit lange Füaß? Dusoddscht scho wissa was de willsch!


Tochter:
Noi, oin mit lange Fiaß will I net, der hat schbitze Knia!


Mutter:
(schlägt auf den Tisch) Ja Himmel no a mol, ka mr denn so hoikel sei?Ja wia soll er DENN sei ?


Tochter:
Ha drei Tugenden verlang I scho von meim Zukünftiga!


Mutter:
(mit großen Augen) Drei Tugenden? Ja brauchet mir am End no en Pfarrer, welcher dir einen raussucha muaß ?? An welche Tugenden hättesch denn denkt ?


Tochter:
(lächelt) Ha also als erschtes sollt´r so an richtiga Ma sei, wo mr au äbbes sieht, verschtoscht???!!!?


Mutter:
Ha do gibts doch gnug. Do gosch am Beschta mal uf dr Schbortplatz, wo se mit ihra kurze Hösle rumrennet, da kannsch älles ganz guat säh!! Ond Zwoitens ?


Tochter:
Ha gscheit müßt er au sein !


Mutter:
Ha so rennat au a paar rom, da wird sicher oiner für dich dabei sei. Ond was wär´s Dritte?


Tochter:
(läßt den Kopf hängen) Ha, drittens müßt´r au recht dumm sei !!


Mutter:
(erstaunt) Recht dumm ! Jetzt blick ichs fei nimme!! Warum soll derjetzt auf oimal au recht dumm sei ?


Tochter:
Ha woisch, sonscht nimmt er mich doch net !!!!
 
Copyright 2015. All rights reserved.
Zurück zum Seiteninhalt | Zurück zum Hauptmenü